What’s New

好嘅产品设计除咗为生活带来美感，更重要係能够解决用家不同需要, 最近 #DIP 多间设计公司凭着杰出嘅产品设计，获得由 Hong Kong Smart Design Awards 香港智营设计大赏 举办嘅「香港智营设计大赏2021」多个奖项， 大大展现香港本地创作嘅多元性，恭喜以下嘅得奖公司：

-  Ddiin -「办公室用品与文具 - 金奖 : Exlicon 多功能椭圆形圆规 」
#EXLICON 为咗帮助设计师简单咁画出理想中黄金比例嘅圆形，贴心提供自由组装组合，大大提升设计作品嘅效率度同完美性。

- Wholly Wholly -「家居佈置及植物护理 - 金奖: Recraft Number 2」
#WhollyWholly 启發于香港传统嘅红A红灯罩，将灯罩打造成极简而富未来感嘅台灯，可配合智能灯胆调节色温，融入唔同嘅家居装饰之馀，更保留文化价值。

- HA! Design Studio Ltd -「传统玩具及游戏 - 银奖 : 音乐达人」
#HADesignStudio 希望小朋友可利用游戏来认识音乐，所以将音乐嘅元素放喺呢个桌上游戏上，小朋友可以将唔同嘅音符组合放喺五线谱，创作同拼合出独特嘅乐曲。

- Asteria Games -「传统玩具及游戏 - 铜奖 : 既视感：记忆的碎片」
呢款桌上游戏并唔係一款简单嘅游戏，而係将發人深省嘅游戏故事，深度融合喺玩法裏面，透过精緻嘅配件设计带俾玩家身如其境嘅体验。

- KnitWarm -「个人配衬礼品 - 铜奖 : 织暖小颈巾」
为咗方便大众随时随地保暖，#knitwarmhk 运用织暖专利技术，提供智能柔温，设计细小轻便携带，更能以手机应用程式来调节温度。

- OOA 东西建筑 
「电子及科技玩具  - 铜奖 : 列印观塘」
呢个户外实时互动艺术装置係 #OOA 用创新嘅意念来追溯观塘独有嘅印刷文化，成个设计代表着一部实时巨型列印机，纪念褪色的印刷工业，所以以柯式印刷嘅四种原色「列印」出参与者嘅剪影。
 「家居佈置及植物护理 - 优异奖 : OO BLOCK」
#OOA 希望以最简单嘅方式来表达字母同字词，所以创作呢个可触摸得到、并由阴影与光线塑造而成嘅字母块，命名为Orient Occident Block(东西木块)。